Սա մի հիանալի վայր է, որտեղ կարող ես անցկացնել լիարժեք հանգիստ։ Շնորհակալ եմ տնօրինությանը բարձր մակարդակով այն կազմակերպելու համար, բուժական ողջ անձնակազմին՝ բարեհամբույր վերաբերմունքի համար, խոհանոցի աշխատողներին՝ համեղ ու բազմազան ուտելիքի համար, մաքրուհիներին՝ մեր շատ մաքուր հանգիստն ապահովելու համար... Շնորհակալ ու գոհ եմ բոլորիցդ։

Շնորհակալություն գերազանց սպասարկման, հիանալի մթնոլորտի, բուժանձնակազմի հոգատար ու ջերմ վերաբերմունքի համար, հատուկ շնորհակալություն տնօրեն Առաքելյանին՝ հետևողական և ուշադիր լինելու համար։

Բարձրակարգ ընդունելություն, նոր վերանորոգված լուսավոր ու հարմարավետ սենյակներ, ամենօրյա մաքրություն և ախտահանում, բուժական և վերականգնողական պրոցեդուրաների լիարժեք համակազմ, բազմազան ճաշատեսակներ՝ մեկը մյուսից համեղ ու ախորժելի, կիրթ ու բարեհամբույր սպասարկող անձնակազմ... Դրան հավելեմ լեռնային ջինջ օդն ու աշխարհահռչակ բուժիչ հանքային ջուրը: